kabhii yuun bhi aa meri aankh mein

kabhii yuun bhii aa merii aankh mein ke meri nazar ko Khabar na ho 

mujhe ek raat navaaz de magar uske baad sahar na ho 

[navaaz - to grant] 

vo ba.Daa rahiim-o-kariim hai mujhe ye sifat bhii ataa kare 

tujhe bhuulane kii duaa karuu.N to duaa mein merii asar na ho 

[rahiim-o-kariim - kind & generous; sifat - talent] 

mere baazuo.n me.n thakii thakii , abhii mahav-e-Khvaab hai chaa.Ndanii 

na uThe sitaaro.n kii paalakii, abhii aahaTo.n kaa guzar na ho 

ye Gazal ki jaise hiran kii aa.Nkho.n me.n pichhalii raat kii chaa.Ndanii 

na bujhe Kharaabe kii roshanii, kabhii becharaaG ye ghar na ho 

vo firaaq ho yaa visaal ho, terii yaad mahakegii ek din 

vo gulaab ban ke khilegaa kyaa, jo chiraaG ban ke jalaa na ho 

kabhii dhuup de, kabhii badaliyaa.N, dil-o-jaa.N se dono.n qubuul hai.n 

magar us nagar me.n na qaid kar jahaa.N zindagii kii havaa na ho 

kabhii din kii dhuup me.n jhuum ke kabhii shab ke phuul ko chuum ke 

yuu.N hii saath saath chale.n sadaa kabhii Khatm apanaa safar na ho 

[shab - night] 

mere paas mere habiib aa zaraa aur dil ke qariib aa 

tujhe dha.Dakano.n me.n basaa luu.N mai.n ke bichha.Dane kaa kabhii Dar na ho 

[habiib - beloved]

_________by Bashir Badr 

Read More

is naaz is andaaz se tum haaye chalo ho

is naaz is andaaz se tum haaye chalo ho
roz ek Gazal ham se kahalavaaye chalo ho

rakhanaa hai kahii.n paa.Nv to rakho ho kahii.n paa.Nv
chalanaa zaraa aayaa hai to itaraaye chalo ho

diivaan-e-gul qaidii-e-zanjiir hai aur tum
kyaa ThaaTh se gulashan kii havaa khaaye chalo ho

mai me.n ko_ii Khaamii hai na saaGar me.n ko_ii khoT
piinaa nahii.n aaye hai to chhalkaaye chalo ho

ham kuchh nahii.n kahate hai.n ko_ii kuchh nahii.n kahataa
tum kyaa ho tumhii.n sab se kahalavaaye chalo ho

zulfo.n kii to fitrat hai lekin mere pyaare
zulfo.n se bhii zyaadaa balkhaaye chalo ho

vo shokh sitam_gar to sitam Dhaaye chale hai
tum ho ke "Kaleem" apanii Gazal gaaye chalo ho

_________by Kaleem Aajiz

Read More

zaalim thaa vo aur zulm kii aadat bhii bahut thii

zaalim thaa vo aur zulm kii aadat bhii bahut thii
majabuur the ham us se muhabbat bhii bahut thii

us but ke sitam sah ke dikhaa hii diyaa ham ne
go apanii tabiyat me.n baGaavat bhii bahut thii

vaaqif hii na thaa ramz-e-muhabbat se vo varnaa
dil ke liye tho.Dii sii inaayat bhii bahut thii

yuu.N hii nahii.n mashhuur-e-zamaanaa meraa qaatil
us shaKhs ko is fan me.n mahaarat bhii bahut thii

kyaa daur-e-Gazal thaa ke lahuu dil me.n bahut thaa
aur dil ko lahuu karane kii fursat bhii bahut thii

har shaam sunaate the hasiino.n ko Gazal ham
jab maal bahut thaa to saKhaavat bhii bahut thii

bulavaa ke ham 'Ajiz' ko pashemaa.N bhii bahut hai.n
kyaa kiijiye kam_baKht kii shoharat bhii bahut thii

______________by Kaleem Aajiz

Read More

Daag duniyaa ne diye zakhm zamaane se mile

Daag duniyaa ne diye zaKhm zamaane se mile
ham ko ye tohafe tumhe.n dost banaane se mile
Ham tarasate hii taraste hii tarasate hii rahe 
woh falaane se falaane se falaane se mile
Khud se mil jaate to chaahat kaa bharam rah jaataa 
kyaa mile aap jo logo.n ke milaane se mile
Kaise maane ke unhe.n bhuul gayaa tuu ai 'Kaif' 
un ke Khat aaj hame.n tere sarahaane se mile

____________by Kaif Bhopali

Read More